Þá er komið að fjórða þættinum af Sævar og Stefán blindsmakka! Í þessum þætti eru tvö mjög ólík vín smökkuð og dæmd og það sem kom mest á óvart var að ódýrara vínið var mun betra!
Fyrir þá sem hafa ekki áhuga á að horfa á þáttinn er hægt að lesa lýsingarnar hér fyrir neðan.
Safnaravín mánaðarins Febrúar 2010 Mér finnst við hæfi að fyrsta safnara vín ársins 2010 skuli vera hörku gott Bordeaux eða réttara sagt St. Emilion Grand Cru frá 2005!! Chateau Berliquet Grand Cru er hörku gott vín með plómu, tóbak og kirsuber í nefinu. Bragðið er yndislegt, þurrt og tannínríkt með plómu, svörtum kirsuberjum og smá kanil. Eftirbragðið er alls ekki of stammt og jafnvægi á milli ávaxta og tanníns er nánast fullkomið! Vínið er gott núna en á langt í land með að vera tilbúið. Verðið er hátt á okkar mælikvarða eða 7.600 kr. en vínið er hverrar einustu krónu virði! Umboðsaðili er Þórshamar.
Vín mánaðarins Febrúar 2010 Ég hef oft verið beðinn um að smakka vín sem hefur “slegið í gegn” erlendis og satt að segja hef ég oftar en ekki komist að því að það vín er jú ágætt en kannski ekki alveg fyrir minn smekk. Vín mánaðarins í Febrúar er ekki eitt af þeim! Colomé Malbec Reserve frá Salta í Argentínu er án efa vel unnið vín með svörtum kirsuberjum og dökku súkkulaði í nefinu. Þetta er bragðmikið vín með Valrhona súkkulaði, svörtum kirsuberjum, papriku og alkóhól í lokin. Eftirbragðið er silkimjúkt og langt. Verðið er meira en ásættanlegt eða aðeins 2.990 kr., þess má geta að Vífilfell flytur þetta vín inn.
Það eru ekki margir sem eru tilbúnir í dag að taka áhættu og byrja að flytja inn dýr vín frá annars óþekktum vínframleiðanda. Hvað þá frá svæði sem selst ekki sérstaklega vel í Á.T.V.R. í dag. Umboðsaðilinn Haugen ehf. ákvað samt að taka áhættu og byrja að flytja inn vín frá frekar lítið þekktum vínframleiðanda frá Burgúnd að nafni Stephane Brocard. Á þessum síðustu og verstu tímum spurði ég sjálfan mig “hvað eru þeir að hugsa? Og stóra spurningin, eru vínin þess virði?” Svarið er einfaldlega JÁ! Við erum mjög heppin á Íslandi varðandi vín frá Burgúnd, það er ekkert “sorp” til sölu hér, flestir framleiðendur eru taldir þó nokkuð góðir. Mitt álit á Stephane Brocard er einfalt, mér finnst Stephane Brocard með betri burgúndar vínum sem fást hér landi. Af hverju? Vegna þess að línan í heild er gríðarlega vel unnin, það er ekki veikan hlekk að finna, að minnsta kosti ekki á vínunum sem eru flutt inn. Vínin eru ekki yfir eikuð eða of ávaxtarík heldur er frábært jafnvægi á milli. Öll vínin má drekka núna en þau verða samt betri með árunum. Eina gagnrýnin sem ég hef er að það vantar “standard” vín, sem sagt ódýrari línu sem almúginn getur prófað og metið hvort hann er tilbúinn að kaupa dýrari línuna eftir það. En ég efast ekki um að því verður kippt í lag hjá Haugen fyrr eða síðar. Hér fyrir neðan eru lýsingar á vínunum sem ég smakkaði.
landi. Af hverju? Vegna þess að línan í heild er gríðarlega vel unnin, það er ekki veikan hlekk að finna, að minnsta kosti ekki á vínunum sem eru flutt inn. Vínin eru ekki yfir eikuð eða of ávaxtarík heldur er frábært jafnvægi á milli. Öll vínin má drekka núna en þau verða samt betri með árunum. Eina gagnrýnin sem ég hef er að það vantar “standard” vín, sem sagt ódýrari línu sem almúginn getur prófað og metið hvort hann er tilbúinn að kaupa dýrari línuna eftir það. En ég efast ekki um að því verður kippt í lag hjá Haugen fyrr eða síðar. Hér fyrir neðan eru lýsingar á vínunum sem ég smakkaði.