Þá er sumarið að klárast, sólin sest fyrr á kvöldin og hægt og rólega farið að kólna. Af einhverri ástæðu fer fólk að drekka meira rauðvín og minna hvítvín þegar fer að kólna og vínsmakkarinn er engin undantekning þar. Eitt vín sem ég tók ástfóstri við í sumar er vín frá frekar lítið þekktu svæði á Spáni að nafni Pla de Bages.

Vín mánaðarins í júní kemur frá einu vinsælasta vínsvæði á Spáni, hvorki meira né minna en Rioja. Rauðvín frá Rioja hefur alltaf fallið Íslendingum í geð, enda eru vínin oftast vel unnin og frekar í ódýrari kantinum.

Ein af afleiðingum kreppunnar er sú að ríkisstjórnin fór að skattleggja vín upp úr öllu valdi eins og við höfum séð undanfarin tvö ár. Síðan þá hefur þrennt gerst. Fyrst varð aukning á heimabruggi á léttvíni, bjór og sterku víni til muna, svo hefur smygl á víni ekki verið svona áberandi síðan á áttunda og níunda áratugnum (gott ef vinstri stjórn var ekki við völd þá líka!!).

Kasaura Montepulciano d´Abruzzo, Ítalía 2008
Þó ég hafi smakkað mörg góð vín í mars var ég var farin að efast um að ég myndi finna eitt nógu gott til að vera vín mánaðarins.  Það er að segja þangað til það var haldinn vínklúbbsfundur með ítölsku þema, og ég fékk að smakka Kasaura.  Það verður að segjast að það voru nokkur mjög góð vín smökkuð og nokkur hefðu auðveldlega getað verið vín mánaðarins. 

Vín mánaðarins Febrúar 2010
Ég hef oft verið beðinn um að smakka vín sem hefur “slegið í gegn” erlendis og satt að segja hef ég oftar en ekki komist að því að það vín er jú ágætt en kannski ekki alveg fyrir minn smekk. Vín mánaðarins í Febrúar er ekki eitt af þeim! Colomé Malbec Reserve frá Salta í Argentínu er án efa vel unnið vín með svörtum kirsuberjum og dökku súkkulaði í nefinu. Þetta er bragðmikið vín með Valrhona súkkulaði, svörtum kirsuberjum, papriku og alkóhól í lokin. Eftirbragðið er silkimjúkt og langt. Verðið er meira en ásættanlegt eða aðeins 2.990 kr., þess má geta að Vífilfell flytur þetta vín inn.

English

Wolf Blass Red Label Shiraz-Cabernet 2007

Southeastern Australia, Ástralía
Vín fyrirtækið Beringer-Blass (Southcorp) í Ástralíu hefur sætt mikilli (og verðskuldaðri) gangrýni erlendis eftir sameiningu Penfolds, Rosemount, Lindemans og Wolf Blass.

Margir hafa sagt að vínin væru öll orðin eins á bragðið en með mismunandi miðum á flöskunum. Ég verð að játa það að mér finnst svolítið til í þessu, t.d. Rosemount að mínu mati hefur dalað all svakalega á undanförnum þremur árum og er ekki einu sinni með besta ástralska G.T.R. á markaðnum lengur.

En ekki er öll von úti, Wolf Blass og Lindemans eru ennþá að búa til gott vín í ódýrari verðflokki. Eitt gott dæmi er Wolf Blass Red Label Shiraz-Cabernet. Vínið er mjög opið með sólberja og lakkrís lykt. Bragðið er ávaxtaríkt með mikið af sólberjum, lakkrís og svo smávegis af papriku í bakgrunni. Eftirbragðið er meðal langt og gott. Vínið er ekki dýrt á núverandi mælikvarða eða aðeins 2.088 kr. í ríkinu.

Þetta vín er ekki að þykjast vera stærra en það er, það er ætlað til drykkjar núna, það á að vera ávaxtaríkt og auðvelt að drekka en samt sem áður er þetta mun fínlegra og meira flókið en ansi mörg önnur Shiraz-Cabernet á markaðnum í dag. Njótið þess með lambi, pasta og pizzu eða bara eitt og sér.